देवचित्राणि

परिचयः

भारतीयसंस्कृतेः एतद् एव वैशिष्ट्यं यत् विविधाः देवाः आराध्यन्ते । अस्माकं अध्यात्मक्षेत्रे अपि कस्यचित् एकस्य विचारस्य एकाधिकारः न अस्ति । वयं भारतीयाः स्वस्य मतं स्थापयन्तः अन्येषां मताय अपि सम्मानं दद्मः । ‘एकं रूपं बहुधा यः करोति’ इत्यस्य विचारस्य प्रभावः सर्वदिग्गोचरः । विविधाः देवा अस्माकं भारतीयानां आराध्याः प्रेरणास्रोतांसि च । अतः तेषां देवानां चित्राणि अपि अस्माकं गृहे , पुस्तके , कार्यस्थाने , सङ्गणके वा भवन्ति अथवा सर्वदा सुलभानि भवन्तु ततोऽपि सुखतरं नु किम् ? अतः देवान् देवपूजकानां सुलभान् कर्त्तुं अयं प्रयत्नः अत्र आवश्यकः अनुभूतः ।