भूमिदेव्याः किं वयः ?

भूमिदेव्याः किं वयः ?

लेखक – प्रो० ए.  आर्. वासुदेवमूर्तिः

शतं वर्षाणि जीवेयम्’ इति मानवः आ प्राचीनकालात् अपि अपेक्षां कुर्वन् एव अस्ति । अद्यापि ज्येष्ठाः कनिष्ठान् ‘शतं जीव शरदो वर्धमानः’ इत्येवम् आशिषा अनुगृह्णन्ति । मनुष्यः शत- वर्षात्मकेन कालेन स्वस्य इहलोकयात्रां समापयति । नदीपर्वतादयः सागरवनादयः च सुदीर्धेण कालेन अत्र वसन्ति इति सः जानाति । यावत् मानवकुलं भूलोके सञ्चारारम्भम् अकरोत् ततः बहुपूर्वम् एव- तन्नाम ततः कोटयधिकवर्षेभ्यः पूर्वम् एव – पशु-पक्षि-उरग-सरीसृपादयः कीटब्याक्टीरिया-वैरस्-प्रभृतयः, तृण-सस्य-वृक्षादयः च अत्र आसन् ।

तदा कश्चन प्रश्चः उदियात् – एवं तर्हि सर्वाधारभूतायाः भूमिदेव्याः वयः किं स्यात् इति । एषः कुतूहलकारी प्रश्चः अस्मत्पूर्वजान् अपि बाधते स्म एव । अतः एव ते एतस्य उत्तरम् अपि सहस्त्राधिकवर्षेभ्यः पूर्वम् एव अन्विष्टवन्तः आसन् । अस्मदीया साम्प्रदायिककालगणना वदति – भूमेः ४५०,००,००,००० वर्षाणि प्रायः अतीतानि इति ।

एततस्य शतकस्य द्वितीयदशकान्तं यावत् (१९२० तमवर्षान्तं यावत् ) पाश्चात्यविद्वांसः विज्ञानिनः वा – ‘भूमिः ४५० कोटिवर्षेभ्यः पूर्वम् उद्भता’ इत्येतं वादं न पुरस्कुर्वन्ति स्म । ते भारतीयं विचारं निराकुर्वन्तः उपहसन्ति स्म । पाश्चात्यधर्मग्रन्थाः वदन्ति यत् भूमिः ४१०० वर्षेभ्यः पूर्वम जाता इति । एतस्मिन् कथने विश्वासं कुर्वन्तः ते तथा व्यवहरन्ति स्म । किन्तु इदानीं सस्यप्राणिप्रभृतीनां या शिलात्वप्राप्तिप्रक्रिया अस्ति सा तेषां  विचारे परिवर्तनम् आनीतवती अस्ति ।

एतां शिलात्वप्राप्तिप्रक्रियाम् अवलम्ब्य विज्ञानिनः केचन उक्तवन्तः आसन् यत् ३०-४० कोटिवर्षेभ्यः पूर्वं तेषां शिलादीनाम् उत्पतिः आसीत् इति । किन्तु बहवः अत्र स्मपतिं न प्रदर्शयन्ति स्म ।

‘युरेनियंनामकस्य धातोः परमाणवः विदलनं प्राप्य सीसकधातुपरमाणु- रुपेण परिवर्तिताः भवन्ति’ इत्येतं विचारम् एतस्य शतकस्य आदौ प्रतिपादितवन्तः परमाणुविज्ञानिनः । एतादृशं परमाणुपरिवर्तनं ४५० कोटिवर्षेभ्यः पूर्वं प्रवृत्तम् इति ते स्वाभिप्रायं प्रकटितवन्तः सन्ति । एतावता प्राप्तेषु परीक्षाक्रमेषु एषः परमाणुपरिवर्तनपरीक्षाक्रमः एव निर्दुष्टः इति तु प्रमाणसिद्धम् अस्ति ।

एतं Radio Actic क्रमम् अवलम्ब्य विज्ञानिभिः बेङ्गरूनगरं परितः स्थितेषु प्रदेशेषु विद्यमानानां शिलानां वयसः परिगणनं कृतम् । तासु शिलासु सीसक-युरेनियं-धात्वोः परिमाणं परिशील्य ते तासां वयः परिगणितवन्तः । तदा तासाम् उत्पत्तिकालः, ततः भूसेः उत्पत्तिकालः च तैः ज्ञातः ।

विज्ञानिभिः आधुनिकपरिक्षानन्तरं भूमेः वयः यत् उक्तं (४५० कोटिवर्षाणि इति ) तत् अस्मत्पूर्वजैः कथं वा सहस्त्राधिकवर्षेभ्यः पूर्वम् एव ज्ञातम् ? वस्तुतः एषः अंशः आञ्चर्यजनकः कुतूहलवर्धकः च अस्ति य़

अस्मत्पूर्वजाः कालगणनाक्रमं यम् अनुसरन्ति स्म सः अपि कुतूहलकारी एव अस्ति । नेत्रक्ष्मस्पन्दं (निमेषं) मूलमानत्वेन परिगणयन्तः ते मुहूर्त-दिन-मास-वर्षादीन् युग-महायुग-कल्प-मन्वन्तरादीन् च कल्पयन्तः सृष्टयारम्भकालं निर्णितवन्तः सन्ति । विष्णुपुराणं, मनुस्मृतिः, अर्थशास्त्रं, महाभारतम्, अमरकोषः इत्यादिषु एतत्सम्बद्धानि विवरणानि उपलभ्यन्ते ।

पाश्चात्यदेशेषु गेलिलियोतः (१५६-१६४०) पूर्वं पल(सेकेण्ड्)- परिमाणात् अल्पतरः कालः एव न आसीत् । गेलिलियो तव ऐदम्प्राथम्येन पल(सेकेण्ड्) परिमाणं परिचायितवान् । अस्मत्पूर्वजाः तु ततः बहु पूर्वम् एव १/५ सेकेण्ड्, १/५०० सेकेण्ड इत्यादीन् कालभागान् कल्पयन्तः भूमेः वयः अपि निर्णीतवन्तः आसन् । पूर्वजानाम् एषा अपूर्वा सिद्धिः आञ्चर्यम् अभिमानं च जनयति खलु अस्मासु ?