संस्कृतविश्वम् 
Education in India has become commercial commodity: Scientist via @indiacom http://www.india.com/news/agencies/education-in-india-has-become-commercial-commodity-scientist-2293955/
चलनचित्रक्षेत्रं धनसम्पादनोद्देशकमेव भवति । कथावस्तु, दृश्यम्, चित्रीकरणम्, अभिनयः, सङ्गीतं, नृत्यं, निर्देशनम् इत्यादयः सर्वेऽपि एतदेव तत्त्वम् अनुसरन्ति । तादृशे विलक्षणे क्षेत्रे अपि क्वचित् संस्कृताभिमानादयः दृश्यन्ते । अद्यत्वे एकेन संस्कृतगीतेन प्रशस्तिः प्राप्ता अस्ति । तस्य रचयिता अस्ति युसूफली केचेरी इति । तेन पञ्चाधिकेभ्यः दशकेभ्यः मलयाळचलनचित्रक्षेत्रे कार्य कृतं, षट्-शताधिकानि गीतानि रचितानि च । तदीयानि बहूनि गीतानि जनप्रियाणि जातानि सन्ति ।
‘माझा’ इत्यस्मिन् चलनचित्रे उपयुक्तम् अस्ति एकं संस्कृतगीतम् । एतस्य स्वरसंयोजनं यत् कृतं तदर्थं प्रशस्तिः प्राप्ता अस्ति केचेरीवर्येण । अस्य गीतस्य रचयिता सड़ीतनिर्देशकश्चापि अस्ति सः एव । तत् गीतम् अधः अस्ति –
गेयं हरिनामधेयम्
भवभयसागरतरलोपायम्
शाश्वतमृत्युञ्जयम्।।
गेयं हरिनामधेयम्
भवभयसागरतरलोपायम्
शाश्वतमृत्युञ्जयम्।।
चारुकेशिरागालापम्ऽऽऽ।।
श्रुतिलयसङ्गमं सुधानिकेतनम्
निरुपमसदनं नित्यानन्दं
राधामाधवकेलिसाधनम् ।। गेयं हरि…।।
वीतरागं गोपीजारं
यदुकुलबालं मृगमधपालम् ।
विगलितगधनं योगिगम्यम्
चेतोरम्यं गीतागहनं गीतागहनम् ।। गेयं हरि..।।
‘यू ट्यूब्’ इत्यत्र गीतमेतत् श्रोतुं शक्यम् ।
अभिनन्दामः वयम्।
(आङ्ग्ललिप्या मुद्रितम् एतत् अत्र देवनार्या लिखितम्।
द्वित्रस्थले परिष्कारः अपेक्ष्यते इति भाति । मूलं यथा दृष्टं
तथैव मुद्रितम् अत्र ।
कश्चित् यदा निर्गच्छेत् तदा आधुनिकैः अस्माभिः उच्यते – ‘बैबै’ इति । बालीस्थे विमानपत्तने एतदर्थं लिखितम् अस्ति – ‘ओं स्वस्त्यस्तु’ इति। यत्र इस्लाममतस्य एव प्राधान्यं, तस्मिन् देशे विमानपत्तने संस्कृतवाक्यं यत् प्रयुक्तम् अस्ति तत् महते आश्चर्याय आनन्दाय च।
भारते यदि एवं कृतं स्येत् तर्हि महती चर्चा, महान् विरोधः च अभविष्यत् ननु ?
